БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

Акрамя вучоных і выкладчыкаў у адпаведных галінах права, для арганізацыі адукацыйнага працэсу на факультэце права прыцягваюцца практыкуючыя юрысты, прадстаўнікі правапрымяняльных і праваахоўных органаў і іншыя спецыялісты. 16 лютага на лекцыю да студэнтаў 3 курса факультэта права быў запрошаны пракурор Заводскага раёна г. Мінска, старшы саветнік юстыцыі Аляксандр Мікалаевіч КУЛАКОЎСКІ, які падрабязна спыніўся на пытаннях праваабарончай дзейнасці пракуратуры, асаблівасцях прафесіі пракурора.

«Штогод органы пракуратуры праводзяць каля 8 тысяч праверак выканання заканадаўства. У мэтах устаранення выяўленых парушэнняў уносяць каля 7 тысяч прадстаўленняў, 6 тысяч прадпісанняў, апратэстоўваюць каля 5 тысяч неадпаведных закону актаў, рашэнняў», - адзначыў Аляксандр Мікалаевіч.

Акрамя гэтага, Аляксандр Мікалаевіч асобную ўвагу ўдзяліў такім учыненым грамадзянамі злачынствам, як махлярства, а таксама незаконны абарот наркатычных сродкаў, псіхатропных рэчываў, іх прэкурсораў і аналагаў.

У канцы лекцыі студэнты змаглі задаць пытанні, звязаныя з магчымасцю праходжання пераддыпломнай практыкі ў органах пракуратуры і далейшым працаўладкаванні.

Факультэт права выказвае падзяку Пракуратуры Заводскага раёна г.Мінска і спадзяецца на далейшае плённае супрацоўніцтва!