БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

20 лютага ў Беларускім дзяржаўным эканамічным універсітэце сабраліся ўдзельнікі Рэспубліканскага інфармацыйна-асветніцкага праекта «ЗАліковая размова». На базе ўстановы адукацыі ў фармаце адкрытага дыялогу палітычны аглядальнік, дырэктар аналітычнага цэнтра "Актуальная Канцэпцыя" Аляксандр ШПАКОЎСКІ і першы сакратар ЦК БРСМ Аляксандр ЛУК'ЯНАЎ правялі сустрэчу з моладдзю.

Размаўляючы з прадстаўнікамі ўсіх факультэтаў і інстытутаў БДЭУ, спікеры адзначылі важнасць правядзення такіх мерапрыемстваў. Аляксандр Шпакоўскі і Аляксандр Лук'янаў не толькі ў поўнай меры праінфармавалі студэнтаў аб бягучай абстаноўцы ў краіне, падзяліліся сваімі поглядамі з моладдзю, але і ўважліва паставіліся да зваротнай сувязі. Яна не прымусіла сябе чакаць: студэнты задавалі пытанні, якія датычацца ўнутрыпалітычнай сітуацыі, эканомікі, міжнароднага становішча і развіцця нашай дзяржавы. Напрыклад, студэнтаў цікавіла, у чым сіла беларусаў. «Сіла - у гістарычных каранях, - адказаў Аляксандр Лук'янаў. - Сіла ў тым, што гісторыя нашых некаторых рухаў фармавалася значна даўжэй, чым гісторыя некаторых краін, якія часта навязваюць нам сваю волю. А мне здаецца, што ў нас дастаткова рэсурсаў і ўнутранага стрыжня, каб мы маглі ісці сваім унікальным шляхам і развівацца», - растлумачыў ён студэнтам і запрасіў усіх у госці ў цэнтральны офіс БРСМ на вул. Карла Маркса. Пад канец сустрэчы Аляксандр Шпакоўскі пажадаў студэнтам удачы ў вучобе, самарэалізацыі ў прафесіі: «Я шчыра спадзяюся, што мы здолелі адказаць на вашыя пытанні. Дзякуй, што былі такімі ініцыятыўнымі!»

Інфармацыйна-асветніцкі праект для студэнцкай і навучэнскай моладзі "Заліковая размова" стартавала 30 студзеня 2023 года. Яго ініцыятарам выступіў Беларускі рэспубліканскі саюз моладзі. Праект складаецца з цыкла сустрэч грамадска-палітычных лідэраў са студэнтамі ВНУ і навучэнцамі ўстаноў адукацыі ў фармаце адкрытага дыялога.