БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

Працягваецца рабочы візіт прарэктара па вучэбнай рабоце БДЭУ Вольгі Анатольеўны МАРАЗЕВІЧ у Кітайскую Народную Рэспубліку.

Беларуская дэлегацыя правяла перагаворы з начальнікам аддзела па справах з краінамі Еўропы і Азіі Дэпартамента міжнароднага супрацоўніцтва і абмену міністэрства адукацыі КНР Лю Цзяньцын, супрацоўнікам аддзела па справах з краінамі Еўропы і Азіі Дэпартамента міжнароднага супрацоўніцтва і абмену Лю Цюань. Бакі абмеркавалі перспектыўныя кірункі супрацоўніцтва. Кіраўніцтва міністэрства адукацыі асабліва падкрэсліла важнасць візіту дэлегацыі беларускіх ВНУ і выказала ўпэўненасць у развіцці перспектыўных праектаў.

Вольга Анатольеўна МАРАЗЕВІЧ таксама прыняла ўдзел у сустрэчы са спадаром Лю Лімінем, Прэзідэнтам Кітайскай асацыяцыі па міжнародным абмене ў сферы адукацыі. На сустрэчы таксама прысутнічалі Генеральны сакратар асацыяцыі Ван Юнлі, намеснік Прэзідэнта і былы першы сакратар пасольства КНР у Рэспубліцы Беларусь Лі Бінга, дырэктар аддзела міжнароднага супрацоўніцтва Лю Ібо, вышэйшы супрацоўнік праграм аддзела міжнароднага супрацоўніцтва Хуан Цзін. Члены асацыяцыі па міжнародным абмене ў сферы адукацыі адзначылі, што высока цэняць прыезд беларускай дэлегацыі і падкрэслілі, што беларускі стэнд карыстаецца вялікай цікавасцю.

У рамках удзелу ў выставе быў падпісаны пратакол аб намерах з Шаньдуньскім працоўным прафесійна-тэхнічным каледжам. Акрамя таго, Вольга Анатольеўна сустрэлася з прадстаўнікамі ВНУ-партнёра "Даляньскі політэхнічны ўніверсітэт" для абмеркавання перспектыўных напрамкаў супрацоўніцтва.