БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

У студэнцкім гарадку БДЭУ ужо стала добрай традыцыяй праводзіць буйныя мерапрыемствы як з нагоды дзяржаўных святаў, так і народных, якія дапамагаюць студэнтам далучыцца да беларускай культуры, даведацца больш пра традыцыі беларусаў. Не стала выключэннем і асабліва любімая хлопцамі Масленіца - 22 лютага на пляцоўцы паміж інтэрнатамі №№5 і 6 адбылося свята "Масленіца блінная, вясёлая, старадаўняя".

Настрой удзельнікам задавалі не толькі бойкія вядучыя, але і традыцыйныя напевы ў выкананні ансамбля народнай песні студэнцкага клуба БДЭУ "Горліца". Кожны з дзевяці інтэрнатаў старанна падрыхтаваўся да мерапрыемства: студэнты, педагогі і выхавальнікі не толькі накрылі сталы з блінамі і іншымі пачастункамі, але і змайстравалі сапраўдных масленічных лялек-прыгажунь “Барыня Масленіца”. Рабяты прэзентавалі свае працы сцэнкамі, танцамі, прыпеўкамі. Выбраць пераможцу было няпроста; пасля доўгіх абмеркаванняў журы прысудзіла 3 месца камандзе інтэрната №2, 2 месца - інтэрнату №5, а перамогу ў кулінарна-творчым спаборніцтве атрымаў калектыў інтэрната №9. Дыплом у спецыяльнай намінацыі за самую згуртаваную каманду заслужана дастаўся інтэрнату №6.

Дзякуй студэнцкаму гарадку за вясновы настрой, нягледзячы на марознае надвор'е, і з нецярпеннем чакаем наступнага свята!