23.02.2023

Масленіца на ФМЭА

22 лютага актывісты факультэта міжнародных эканамічных адносін расказвалі і паказалі студэнтам з Кітая, за што любяць Масленіцу. Свята ў гонар хуткага заканчэння зімы суправаджалася яркім сонцам з акна, традыцыйнымі пачастункамі і беларускімі танцамі.

Сёлета масленічны тыдзень пачаўся 20 лютага. З гэтага дня любімай ежай студэнтаў БДЭУ сталі бліны. Перадаць часцінку сваёй культуры кітайскай групе першакурснікаў вырашыў студактыў ФМЭА. У сераду, якая па масленічнай традыцыі называецца «ласунка», ФМЭАўцы зладзілі яркую англамоўную прэзентацыю. Яны расказалі, у якой з сямі дзён свята трэба папрасіць адно ў аднаго прабачэнне, у якой — спяваць прыпеўкі, растлумачылі, для чаго трэба абавязкова спаліць пудзіла Масленіцы ў апошні дзень тыдня і пачаставалі самаробнымі блінамі і сырнікамі.

«Мы імкнемся арганізоўваць мерапрыемствы для беларускіх і замежных студэнтаў кожны месяц, - сказала намесніца дэкана факультэта Алена ГАРАШЧАНКА. - Гэта карысна для аб'яднання груп і будучага сяброўства паміж нашымі краінамі. Студактыў, прафбюро, БРСМ і дэканат ФМЭА працуюць зладжана і ніколі не застаюцца ўбаку — дапамагаюць зрабіць кожнае мерапрыемства запамінальным».

Пасля прэзентацыі было вырашана навучыць кітайскіх студэнтаў некалькім рухам з папулярнага беларускага народнага танца "Лявоніха", а затым пагутарыць за сталом, поўным пачастункаў. У такой сяброўскай атмасферы замежныя студэнты вучылі беларускія словы, знаёміліся з нашай культурай і, па рэкамендацыі старшакурснікаў, зусім як беларусы, палівалі бліны згушчонкам.

Іншыя навіны

Архіў навін


Белорусский государственный университет культуры и искусств Белорусская медицинская академия последипломного образования Белорусский государственный медицинский университет Витебская ордена «Знак Почёта» государственная академия ветеринарной медицины Брестский государственный технический университет Брестский государственный университет имени А.С.Пушкина Витебский государственный ордена Дружбы народов медицинский университет Гомельский государственный университет имени П.О.Сухого Гродненский государственный аграрный университет Гродненский государственный медицинский университет Гродненский государственный университет имени Я.Купалы Могилёвский государственный университет продовольствия Мозырский государственный педагогический университет им. И.П. Шамякина Университет гражданской защиты МЧС РБ Могилевский институт МВД Академия управления при Президенте Республики Беларусь