24.02.2023

Справаздачная прафсаюзная канферэнцыя работнікаў БДЭУ

23 лютага ў актавай зале БДЭУ прайшла справаздачная прафсаюзная канферэнцыя працаўнікоў універсітэта. Ганаровыя спікеры канферэнцыі - намеснік старшыні Беларускага прафесійнага саюза работнікаў адукацыі і навукі Аксана Уладзіміраўна ВАСІЛЕВІЧ і першы прарэктар БДЭУ Алена Фёдараўна КІРЭЕВА.

На канферэнцыі заслухалі справаздачы аб рабоце прафсаюзнага камітэта БДЭУ і рэвізійнай камісіі ППА работнікаў за 2022 год; быў зацверджаны скарэкціраваны каштарыс даходаў і расходаў на 2022 год, а таксама каштарыс на 2023 год; абмяркоўвалася выкананне калектыўнай дамовы на 2020-2023 гг. за другое паўгоддзе 2022 года; былі ўнесены змены ў склад прафкама першаснай прафсаюзнай арганізацыі работнікаў універсітэта.

Першы прарэктар Алена Фёдараўна Кірэева падзякавала прафсаюзнай арганізацыі ўніверсітэта за плённую і эфектыўную працу. Аксана Уладзіміраўна Васілевіч ад імя Беларускага прафесійнага саюза работнікаў адукацыі і навукі павіншавала мужчынскую палову калектыву БДЭУ з Днём абаронцаў Айчыны, падвяла вынікі работы прафсаюза за 2022 год і намеціла асноўныя напрамкі дзейнасці на 2023 год.

Па выніках канферэнцыі праца прафсаюзнай арганізацыі БДЭУ была аднагалосна прызнана здавальняючай.