БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

24 лютага на факультэце права адбылася доўгачаканая Масленіца!

Сёлета святкаванне Масленіцы ў сувязі з неспрыяльнымі ўмовамі надвор'я было вырашана перанесці з вуліцы ў адну з буйных аўдыторый навучальнага корпуса №8, аднак гэта ніяк не адбілася на атмасферы весялосці! Адкрыў мерапрыемства дэкан факультэта права Аляксандр Мікалаевіч ШКЛЯРЭЎСКІ, які адзначыў, што гэтай традыцыі факультэта ўжо ні многа ні мала 7 гадоў, і кожны год студэнты пад чулым кіраўніцтвам куратараў рыхтуюцца да свята, каб праявіць свае кулінарныя і творчыя таленты і парадаваць гасцей! І, вядома, задача ўдзельнікаў заключаецца не толькі ў імкненні перамагчы. Перш за ўсё, падобныя мерапрыемствы дапамагаюць згуртаваць групу і даць магчымасць куратарам праявіць сябе як сапраўдным настаўнікам - на факультэце права гэта ідэя паспяхова рэалізуецца на ўсіх конкурсах і святах.

Групы 1 і 2 курса па чарзе прадстаўлялі невялікія творчыя нумары, актыўна далучаючы і гасцей, і членаў журы. Аднагрупнікі падтрымлівалі адзін аднаго і сваіх таварышаў з іншых каманд, а куратары з хваляваннем назіралі за выступамі сваіх падапечных. Асаблівую атмасферу дружнага факультэта адзначыў у заключным слове падзякі прарэктар па выхаваўчай рабоце Сяргей Іванавіч СКРЫБА. Пасля ўсіх выступленняў настаў час доўгачаканай дэгустацыі. Кожная з груп творча падышла і да афармлення свайго стала, частуючы гасцей блінамі, аладкамі, прысмакамі, варэннем, мёдам, гарачай гарбатай і кавай.

Завяршылася Масленіца галасаваннем за групу з самым яркім паказам і самымі смачнымі блінамі. Выбраць было вельмі няпроста; перамагла група ДПХ-2 1 курса (куратар Пяхота Таццяна Міхайлаўна), а прыз сімпатый гледачоў дастаўся групе ДПВ-3 2 курса (куратар Ананевіч Алена Уладзіміраўна). Важна адзначыць, што група ДПВ-3 – гэта група студэнтаў з іншай ВНУ, якія зусім нядаўна перавяліся на факультэт права БДЭУ, але ўжо сталі яго неад'емнай часткай, падрыхтавалі выдатны выступ і падарылі цудоўны настрой гасцям!

Віншуем пераможцаў і дзякуем кіраўніцтву факультэта права, таленавітых, харызматычных выкладчыкаў і студэнтаў за цудоўнае свята і вясновы настрой!

Фотаздымкі прадастаўлены ФП БДЭУ