БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

Са святам, дарагія калегі, паважаныя магістранты, аспіранты і студэнты Беларускага дзяржаўнага эканамічнага ўніверсітэта!

Сёлета нашаму ўніверсітэту спаўняецца 90 гадоў. Мы рады таму, што ўсе гэтыя гады нязменна вялікая колькасць маладых людзей давяраюць нам сваю будучыню, імкнучыся атрымаць прэстыжную і якасную вышэйшую адукацыю.

З моманту заснавання Інстытут народнай гаспадаркі імя У.У. Куйбышава з'яўляўся адной з ключавых ВНУ ў падрыхтоўцы спецыялістаў-эканамістаў з вышэйшай адукацыяй на тэрыторыі Савецкага Саюза. У 1992 г. ён быў пераўтвораны ва ўніверсітэт, а ў 1997 г. атрымаў статус вядучай навучальнай установы ў галіне падрыхтоўкі эканамічных кадраў у Рэспубліцы Беларусь. Дасягненні ўніверсітэта былі адзначаны на дзяржаўным узроўні: Ордэнам Працоўнага Чырвонага Сцяга, Ганаровым дзяржаўным сцягам Рэспублікі Беларусь, Ганаровай граматай Савета Міністраў Рэспублікі Беларусь.

Наша ВНУ крочыць у нагу з часам, аператыўна рэагуе на патрэбы і патрабаванні нацыянальнай эканомікі: з'яўляюцца новыя спецыяльнасці, дысцыпліны, кафедры і факультэты. БДЭУ стаў удзельнікам шэрагу эксперыментальных праектаў, у іх ліку "Універсітэт 3.0", "Лічбавы ўніверсітэт".

БДЭУ акрэдытаваны як навуковая арганізацыя. Тут пад кіраўніцтвам вядомых вучоных вядуцца фундаментальныя і прыкладныя навуковыя даследаванні па праблемах нацыянальнай і сусветнай эканомікі, права.

Наш універсітэт вядомы не толькі ў Беларусі, але і далёка за яе межамі. Больш за 40 гадоў БДЭУ рыхтуе спецыялістаў з краін Еўропы, Азіі, Афрыкі, Блізкага Усходу. У сваю чаргу, запрашаюцца замежныя выкладчыкі і вучоныя для чытання лекцый і абмену вопытам. У сучасных умовах узмацнення інтэграцыі ў сферы вышэйшай адукацыі БДЭУ стаў удзельнікам шэрага асацыяцый ВНУ, Еўразійскага сеткавага ўніверсітэта.

Студэнты БДЭУ рэалізуюць свае здольнасці і таленты ў вакальных, харэаграфічных, інструментальных і тэатральных калектывах. Для падтрымання добрай фізічнай формы студэнтаў і выкладчыкаў пабудаваны спартыўны комплекс, абсталявана трэнажорная зала, манеж настольнага тэніса, працуюць спартыўныя залы і пляцоўкі.

Карыстаючыся выпадкам, хачу павіншаваць кожнага з вас з юбілеем нашага ўніверсітэта. Новых вам перамог, дасягненняў, перспектыўных адкрыццяў на нялёгкім, але цікавым і займальным шляху засваення ведаў і зразуменні навук! Задавальнення ад спазнання і невычэрпнай энергіі, натхнення і зацятасці! І тады, без сумневу, з кагорты сённяшніх студэнтаў БДЭУ у будучыні з'явіцца нямала гучных імёнаў, якімі мы будзем ганарыцца. Бо сёння менавіта мы, сучаснікі, пішам чарговы ліст слаўнага летапісу Беларускага дзяржаўнага эканамічнага ўніверсітэта.

З павагай,
рэктар БДЭУ,
доктар юрыдычных навук
Аляксей Уладзіміравіч ЯГОРАЎ