БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

18 снежня 2024 г. у БДЭУ адбылася V Міжнародная навукова-практычная канферэнцыя "Актуальныя вектары беларуска-кітайскага гандлёва-эканамічнага супрацоўніцтва". Канферэнцыя была праведзена ў рамках дзейнасці Кабінета Канфуцыя РІКК БДУ ў БДЭУ, які працуе з 2013 года на базе факультэта міжнародных бізнес-камунікацый.

У канферэнцыі прынялі ўдзел больш за 70 даследчыкаў з Рэспублікі Беларусь, Кітайскай Народнай Рэспублікі, Расійскай Федэрацыі, якія прадстаўляюць беларускія і замежныя вышэйшыя навучальныя ўстановы, навукова-даследчыя ўстановы, а таксама прамысловыя і камерцыйныя кампаніі. Вялікую цікавасць выклікала праблематыка канферэнцыі сярод маладых кітайскіх даследчыкаў. Так, у канферэнцыі прынялі ўдзел 55 выкладчыкаў з Рэспублікі Беларусь, 5 выкладчыкаў з Шанхая (КНР), 10 аспірантаў і магістрантаў (КНР), якія вучацца або працуюць у Рэспубліцы Беларусь і Расійскай Федэрацыі (2 чал).

У адкрыцці пленарнага пасяджэння канферэнцыі прынялі ўдзел Тозік Анатоль Апанасавіч, дырэктар Рэспубліканскага інстытута кітаязнаўства імя Канфуцыя, Надзвычайны і Паўнамоцны Пасол, старшыня таварыства дружбы "Беларусь - Кітай"; прарэктар па вучэбнай рабоце УА «БДЭУ» Маразевіч Вольга Анатольеўна; генеральны дырэктар Мінскага аддзялення Беларускай гандлёва-прамысловай палаты Набешка Сяргей Уладзіміравіч.

На пленарным пасяджэнні канферэнцыі былі прадстаўлены вынікі даследаванняў вучоных УА "Беларускі дзяржаўны эканамічны універсітэт", прысвечаных пытанням знешнеэканамічнай палітыкі ў эпоху глабальных выклікаў (дакладчык: Надзвычайны і Паўнамоцны Пасол, прафесар кафедры сусветнай эканомікі, доктар эканамічных навук, прафесар Руды Кірыл Валянцінавіч); асэнсаванню новых магчымасцей эканамічнага ўзаемадзеяння ў Шанхайскай арганізацыі супрацоўніцтва (дакладчык: Турбан Галіна Уладзіміраўна, загадчык кафедры міжнароднага бізнесу, кандыдат эканамічных навук, дацэнт), аб канцэпцыі маркетынгу ў развіцці беларуска-кітайскага супрацоўніцтва (дакладчык: Голік Вадзім Сяргеевіч, загадчык кафедры маркетынгу, кандыдат эканамічных навук, дацэнт).

Юрава Наталля Вячаславаўна, загадчык кафедры міжнародных эканамічных адносін Беларускага дзяржаўнага ўніверсітэта расказала пра перспектывы беларуска-кітайскага эканамічнага супрацоўніцтва ў кантэксце ўдзелу Рэспублікі Беларусь у ШАС, тым самым працягнуўшы дыскусію па тэме, прадстаўленай Турбан Г.У.

Дударонак Антон Сяргеевіч, (Упраўленне знешняй палітыкі Беларускага інстытута стратэгічных даследаванняў), прадставіў даклад, які тычыцца стратэгій тэхналагічнага лідэрства Кітая ў сучасных умовах.

Прафесар Смолік Аляксандр Іванавіч, загадчык кафедры культуралогіі УА "Беларускі дзяржаўны ўніверсітэт культуры і мастацтваў", прадставіў беларуска-кітайскую навуковую школу культуролагі і агучыў асноўныя напрамкі даследаванняў і далейшыя перспектывы супрацоўніцтва. Пасля пленарнага пасяджэння свае даклады на круглым стале прадставілі аспіранты і магістранты з КНР. Найбольшую цікавасць выклікалі даклады па пытанні лічбавай трансфармацыі эканомікі з пункту гледжання вопыту Рэспублікі Беларусь і Кітая і як узаемасувязь паміж касмаганічнымі міфамі Беларусі і Кітая адлюстроўвае агульныя заканамернасці ўспрымання хаосу і парадку ў розных культурах, як гэтыя міфы ўплываюць на фарміраванне рытуалаў і светапогляду.

На аснове дакладаў, прадстаўленых удзельнікамі канферэнцыі, плануецца публікацыя зборніка артыкулаў.

Паглядзець трансляцыю пленарнага пасяджэння канферэнцыі можна на афіцыйным сайце БДЭУ па спасылцы