БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

Удзел у дабрачынных акцыях стаў добрай традыцыяй для студэнтаў факультэта маркетынгу і лагістыкі. Яркім пацвярджэннем гэтага стала арганізаванае 14 студзеня дэканам факультэта маркетынгу і лагістыкі Святланай Мікалаеўнай Лапінай і намеснікам дэкана па ідэалагічнай і выхаваўчай рабоце Марыяй Міхайлаўнай Шаламіцкай сумесна з ТАА "Еўрагандаль" наведванне студэнтамі дзяржаўнай установы "Мінскі гарадскі сацыяльны пансіянат. Гармонія". "Ад усёй душы".

На гэты момант ва ўстанове пражываюць 465 падапечных. У кожнага з іх свой горкі лёс, і ім вельмі важна адчуваць сябе патрэбнымі. Для падапечных быў падрыхтаваны святочны канцэрт. Студэнты факультэта маркетынгу і лагістыкі выконвалі навагоднія песні, цешылі ігрой на розных музычных інструментах: флейце, трубе, чыталі выдатныя вершы пра дабрыню, каханне. Усе прысутныя ў зале прынялі актыўны ўдзел у танцавальных нумарах, з задавальненнем падпявалі песні ўслых.

У зале панавала душэўная атмасфера, на тварах падапечных зайгралі шчаслівыя ўсмешкі ад той увагі і цяпла, якія яны атрымалі падчас сустрэчы. На заканчэнне сустрэчы пажылым людзям уручылі салодкія падарункі ў выглядзе торцікаў, якія былі прадастаўлены найбуйнейшай гандлёвай сеткай Беларусі ТАА "Еўрагандаль".

У завяршэнне сустрэчы кіраўніцтва пансіяната арганізавала для студэнтаў невялікую экскурсію па мастацкай майстэрні, у якой прадстаўлены мастацкія работы, выкананыя падапечнымі. Моладзь была прыемна здзіўленая і захопленая тым, якія творчыя людзі пражываюць у доме-інтэрнаце: яны і вяжуць, і малююць, і займаюцца ганчарнай справай.

Традыцыя ўдзелу ў дабрачынных акцыях будзе працягнутая студэнтамі і супрацоўнікамі ФМК і надалей. Бо таго цяпла, што ёсць у нас з вамі ў сем'ях, ім вельмі не хапае. Нават самы, на першы погляд, нязначны добры ўчынак здольны падарыць радасць, увагу і клопат бліжняму, даказаць, што простая чалавечая міласэрнасць неабходна ўсім людзям. Бо самае галоўнае, каб кожны з нас захоўваў і выяўляў лепшыя чалавечыя якасці – міласэрнасць, любоў, жаданне дапамагчы бліжняму ад чыстага сэрца! Таму такія акцыі вельмі важныя і значныя для Беларускага дзяржаўнага эканамічнага ўніверсітэта.

Факультэт маркетынгу і лагістыкі выказвае асаблівую падзяку за садзейнічанне ў арганізацыі мерапрыемства генеральнаму партнёру - гандлёвай сетцы ТАА "Еўрагандаль" у асобе начальніка ўпраўлення развіцця чалавечага капіталу і прасоўвання HR-брэнда Калмыковай Ю.Ю., спецыялісту па развіцці персаналу Ерахавец А.Я., начальніку аддзела адаптацыі, ацэнкі і развіцця персаналу Вернікаўскай В.О., а таксама ўсім прадстаўнікам ТАА «Еўрагандаль», якія прысутнічалі на мерапрыемстве.