БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

У рамках святочных мерапрыемстваў, прысвечаных Дню беларускай навукі, 20 студзеня ў БДЭУ адбылася дыялогавая пляцоўка "Перспектывы развіцця айчынных сацыяльна-гуманітарных навук".

У дыялогавай пляцоўцы прынялі ўдзел кіраўнік Цэнтра паліталогіі, намеснік дырэктара па навуковай і інавацыйнай дзейнасці Інстытута сацыялогіі НАН Беларусі Сухоцкі Мікалай Мікалаевіч, прарэктар па навуковай рабоце Быкаў Аляксей Аляксандравіч, дэкан сацыяльна-эканамічнага факультэта Буева Анастасія Алегаўна, кіраўнік Цэнтра сацыяльна-гуманітарных даследаванняў, эканамічнай сацыялогіі і псіхалогіі прадпрымальніцкай дзейнасці Лашук Ірына Валер'еўна, загадчык кафедры паліталогіі, старшыня Савета маладых вучоных БДЭУ Казак Алег Генадзевіч.

Быкаў Аляксей Аляксандравіч адзначыў важную ролю сацыяльна-эканамічнага факультэта ў навуковай дзейнасці БДЭУ, пажадаў выкладчыцкаму складу і студэнцкай моладзі далейшых навуковых дасягненняў.

Буева Анастасія Алегаўна падкрэсліла значнасць навукі ў 2025 годзе - аб'яўленым Прэзідэнтам Рэспублікі Беларусь - годам добраўпарадкавання: «Добраўпарадкоўваць неабходна нам не толькі дамы і храмы навукі, але і распрацоўваць новыя інавацыйныя ідэі, рабіць новыя адкрыцці, шукаць новыя шляхі для ўдасканалення нашых даследаванняў і тэхналогій, а галоўнае - стала працаваць на вынік, паступаць у магістратуру і аспірантуру, абараняцца, такім чынам працуючы на якасць і росквіт беларускай навукі».

Сухоцкі Мікалай Мікалаевіч расказаў аб дзейнасці Інстытута сацыялогіі НАН, функцыянаванні яго структурнага падраздзялення - Цэнтра паліталогіі, супрацоўніцтве з вышэйшымі навучальнымі ўстановамі, у тым ліку з БДЭУ.

Казак Алег Генадзевіч правёў для студэнтаў інтэлектуальную гульню "Медыя Азбука". У ходзе гульні ўдзельнікі змаглі прадэманстраваць свае веды па тэме Вялікай Айчыннай вайны.

Удзельнікі падзякавалі за мерапрыемства і выказалі надзею на далейшае развіццё навуковага патэнцыялу і актыўнае ўцягванне моладзі ў даследчую дзейнасць.