БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

У другі раз каманда Беларускага дзяржаўнага эканамічнага ўніверсітэта прыняла ўдзел у традыцыйным Міжнародным студэнцкім конкурсе снежных скульптур (17th International Collegiate Snow Sculpture Contest 2025), які праходзіў з 4 па 7 студзеня 2025 года ў Харбінскім інжынерным універсітэце (г. Харбін, сталіцы правінцыі Хэйлунцзян).

У конкурсе прынялі ўдзел 21 Міжнародная каманда з 9 краін свету (гэта новы гістарычны максімум па колькасці міжнародных каманд) і 43 нацыянальныя універсітэцкія каманды з КНР. Падчас конкурсу кітайскі Харбін нагадвае ўладанні Снежнай каралевы, дзе паўсюль нараджаюцца творы з лёду і снегу. Суровы зімовы клімат дапамог зрабіць Харбін адным з сусветных цэнтраў снежнай і ледзяной культуры і зарадзіць традыцыю праводзіць унікальнае мерапрыемства для ўстаноў адукацыі з удзелам як прафесіяналаў, так і аматарскіх каманд.

З Беларусі на снежныя спаборніцтвы прыехалі дзве каманды - каманда Гімназія-каледж мастацтваў ім. І.А. Ахрэмчыка - штогадовыя ўдзельнікі прафесійнага кірунку (заваявалі першае месца і дыплом) і БДЭУ - удзельнікі аматарскага кірунку (у намінацыі "Excellent Prize" прысуджаны дыплом за якасць). У складзе каманды студэнты факультэта камерцыі і турыстычнай індустрыі Жукаў Сяргей і Гарнасько Андрэй, а таксама студэнтка факультэта міжнародных бізнес-камунікацый Цыганкова Маргарыта. Кіраўнік і куратар групы БДЭУ - Каляда Алена Уладзіміраўна, начальнік вучэбна-метадычнага ўпраўлення каардынацыі навучання замежных грамадзян. З куба снегу два метры на паўтара метра каманда стварыла скульптуру "Мірскі замак". Стварэнне снежнай скульптуры запатрабавала высокай ступені вынаходлівасці, значных намаганняў, часу і зацятасці. Беларуская каманда з гонарам прэзентавала сваю працу, апускаючы ўдзельнікаў і суддзяў конкурсу ў гісторыю беларускай зямлі і нацыянальнага сімвала нашай краіны, уключанага ў Спіс Сусветнай прыроднай і культурнай спадчыны: ЮНЕСКА. Атрыманая ўзнагарода стала пацвярджэннем укладу кожнага члена каманды ў агульны поспех і матывуе да далейшага развіцця прафесійных і асабістых навыкаў.

Студэнты БДЭУ пабывалі на Фестывалі лёду і снегу сезона 2024-2025, экскурсіі, якая знаёміла з гісторыяй, традыцыямі і славутасцямі Харбіна, на розных культурных мерапрыемствах, якія дазволілі пагрузіцца ў культуру і традыцыі Паднябеснай, атрымалі новыя навыкі і, вядома ж, знайшлі новых сяброў.

Адной з важных задач, пры наведванні Харбіна, было правядзенне перамоваў з кіраўніцтвам Харбінскага ўніверсітэта камерцыі (ХУК).

Дагаворныя адносіны паміж нашымі ўніверсітэтамі ўстаноўлены 04.10.2022, з тых часоў адбылося некалькі анлайн перамоў, двойчы дэлегацыі ХУК наведвалі БДЭУ з афіцыйным візітам, аднак БДЭУ упершыню зрабіў візіт у адказ. 06.01.2025 г. адбылася сустрэча Каляды А.У. з прарэктарам па міжнародным супрацоўніцтве ХУК Ван Фую і начальнікам аддзела міжнароднага супрацоўніцтва Цзінь Сянянам, на якой абмяркоўваліся пытанні ўзаемадзеяння ўніверсітэтаў у рамках дасягнутых раней дамоўленасцей. Акрамя таго, былі праведзены перамовы з адміністрацыяй Інстытута фінансаў і дзяржаўнага кіравання Харбінскага ўніверсітэта камерцыі (далей – інстытут) – сакратаром парткама інстытута Чжао Юйсінем, дырэктарам інстытута Цзін Хунцзюнем, намеснікам дырэктара інстытута Лю Сітаа, намеснікам дырэктара даследчага цэнтра фінансаў і падаткаабкладання Ван Вэй. прафесарам Ван Шугуанам, заг. кафедрай дзяржкіравання Хун Фуянь і заг. кафедрай рускай мовы Ван Мяа. Сустрэча прайшла плённа, разгледжаны шэраг працоўных пытанняў, звязаных з перспектывамі навучання студэнтаў і выпускнікоў ХУК у нашым універсітэце. Цзінь Сянян і Ван Мяа правялі цікавую экскурсію па тэрыторыі ўніверсітэта, паказалі новыя навучальныя аўдыторыі і лабараторыі, расказалі над чым зараз працуюць спецыялісты ўніверсітэта.

Візіт дэлегацыі нашага ўніверсітэта ў Харбін стаў важным крокам ва ўмацаванні дружбы і развіцці навуковага, адукацыйнага і культурнага абмену БДЭУ з установамі адукацыі Кітая і бу