30.07.2025

Студатрадаўскі рух: як студэнты БДЭУ праводзяць лета з карысцю

Кожнае лета студэнты Беларускага дзяржаўнага эканамічнага ўніверсітэта актыўна ўключаюцца ў працу студэнцкіх атрадаў. Гэта не проста часовая занятасць - гэта ўнікальны вопыт, які спалучае камандную працу, рэальныя прафесійныя задачы і магчымасць развіць карысныя навыкі.

Гэтым летам ужо 680 студэнтаў БДЭУ увайшлі ў склад 29 студэнцкіх атрадаў, якія ахопліваюць самыя розныя напрамкі дзейнасці - ад добраўпарадкавання гарадскога асяроддзя і работы ў сферы абслугоўвання да дапамогі ў арганізацыі прыёмнай кампаніі.

"Удзел у студатрадах - гэта каштоўны вопыт, які дапамагае выпрацаваць дысцыпліну, адказнасць і сур'ёзны падыход да справы", - падзялілася Анастасія, удзельніца атрада "Тэхналогія". Студэнтка працуе на базе КУП "Мінскхлебпрам", дзе займаецца сартаваннем і ўпакоўкай сушак. Настасся адзначыла, што калектыў прадпрыемства цёпла сустракае новых работнікаў і аказвае ўсебаковую падтрымку.

З кожным днём усё больш студэнтаў праяўляюць ініцыятыву і адкрываюць для сябе новыя гарызонты.

БДЭУ ганарыцца тым, што яго студэнты не абмяжоўваюцца тэорыяй, а імкнуцца прымяняць веды на практыцы, уносіць рэальны ўклад і фарміраваць эканоміку краіны сваімі рукамі.