БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

7 кастрычніка ў Беларускім дзяржаўным эканамічным універсітэце стартавала 72-я круглагадовая студэнцкая спартакіяда — падзея, якая даўно стала сімвалам універсітэцкага адзінства, сілы духу і пераемнасці пакаленняў.

З прывітальным словам да студэнтаў звярнуўся прарэктар па ідэалагічнай і выхаваўчай рабоце Сяргей Іванавіч Скрыба, пажадаўшы ім удачы, упэўненасці і імкнення да перамогі.

У сваю чаргу аб важнасці спартыўных традыцый нагадала начальнік спартыўнага клуба БДЭУ Кацярына Аляксандраўна Данілава. Паводле яе слоў, спорт вучыць узаемнай падтрымцы, сумленнай барацьбе і дапамагае захоўваць сувязь часоў, умацоўваючы гістарычную памяць.

Ганаровым госцем мерапрыемства стала чэмпіёнка свету па аквалоне Ганна Максімава. Яна заклікала студэнтаў не баяцца цяжкасцей, упэўнена ісці да мэты і заўсёды верыць у сябе.
Яркія творчыя нумары студэнтаў зрабілі цырымонію адкрыцця сапраўдным святам!

Першым этапам спартакіяды сталі спаборніцтвы па аквалоне - яны далі старт новаму спартыўнаму сезону. Наперадзе ўдзельнікаў чакае насычаная праграма, цікавыя падзеі і мноства магчымасцей праявіць сябе ў розных дысцыплінах.