БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

12 лістапада на базе Выканаўчага камітэта Садружнасці Незалежных Дзяржаў адбылася ІІІ Міжнародная навукова-метадычная канферэнцыя "Забеспячэнне якасці адукацыі: стан, праблемы і перспектывы".

Арганізатарамі канферэнцыі выступілі Міністэрства адукацыі Рэспублікі Беларусь, Дэпартамент кантролю якасці адукацыі і ўстанова адукацыі "Брэсцкі дзяржаўны тэхнічны ўніверсітэт".

У рабоце канферэнцыі прынялі ўдзел прадстаўнікі Рэспублікі Беларусь, Расійскай Федэрацыі, Азербайджана, Туркменістана і Кыргызстана, што сведчыць аб шырокай міжнароднай цікавасці да тэм якасці адукацыі і абмену лепшымі практыкамі.

У канферэнцыі ад Беларускага дзяржаўнага эканамічнага ўніверсітэта прынялі ўдзел начальнік цэнтра каардынацыі адукацыйнага працэсу Раманава Вольга Станіславаўна і намеснік начальніка цэнтра каардынацыі адукацыйнага працэсу-начальнік вучэбна-метадычнага ўпраўлення Гутнікава Алена Васільеўна.

У рамках канферэнцыі прайшлі пленарнае пасяджэнне, адкрытая дыялогавая пляцоўка і адкрыты мікрафон па секцыях, якія ахопліваюць усе аспекты развіцця якаснай сістэмы адукацыі.

На дыялогавай пляцоўцы з дакладам на тэму "Унутраная сістэма забеспячэння якасці адукацыі: мэты і асноўныя інструменты" выступіла начальнік цэнтра каардынацыі адукацыйнага працэсу, кандыдат эканамічных навук, дацэнт Раманава Вольга Станіславаўна.