БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

15 лістапада ў Нацыянальным акадэмічным тэатры ім. Я.Купалы адбылася маштабная сустрэча з творчай моладдзю РГА "Белая Русь", якая аб'яднала пераможцаў конкурсу "Залатое пяро Белай Русі" розных гадоў, маладых пісьменнікаў і тале.навітую моладзь з розных рэгіёнаў краіны. Асаблівы ўклад у арганізацыю і правядзенне мерапрыемства ўнеслі прадстаўнікі БДЭУ: студэнты СЭФ, УЭФ і ФМБК актыўна і паспяхова выконвалі функцыі валанцёраў, забяспечваючы зладжаную работу.

Урачыстае мерапрыемства адкрыў Міністр адукацыі Рэспублікі Беларусь, Старшыня РГА “Белая Русь” Андрэй Іванавіч Іванец, адзначыўшы: «Сёння мне хацелася б, каб кожны з нас насычаўся гэтай душэўнасцю, стварэннем і зразумеў, наколькі важна, што мы жывем у мірнай краіне. Такія сустрэчы нагадваюць, што творчая праца і мірнае жыццё непадзельныя. У гэтай атмасферы асабліва адчуваецца каштоўнасць унутранай гармоніі і адказнасці за тое, што мы ствараем».

З прывітальным словам да маладых талентаў звярнуўся старшыня ГА «Саюз пісьменнікаў Беларусі» Аляксандр Мікалаевіч Карлюкевіч. Ён выступіў галоўным вядучым вечара, падзяліўшы гэтую ганаровую ролю з дэканам СЭФ БДЭУ Настассяй Алегаўнай Буевай, якая яскрава прадставіла свой факультэт і ўніверсітэт, сыграўшы адну з ключавых роляў у праграме. Сярод ушаноўваных удзельнікаў асаблівая ўвага была ўдзелена Кацярыне Лажковай, студэнтцы факультэта права БДЭУ, якая стала пераможцай конкурсу "Залатое пяро "Белай Русі" - 2025".

Сустрэча прайшла ў лёгкай, цёплай і лірычнай атмасферы, пакінуўшы яркія ўражанні ва ўсіх удзельнікаў. Завяршыўся вечар не менш значнай падзеяй: усе запрошаныя госці наведалі спектакль "А зоры тут ціхія".