29.12.2025

Трыумф БДЭУ на Сёмай рэгіянальнай алімпіядзе па статыстыцы

Студэнты факультэта лічбавай эканомікі сталі прызёрамі Сёмай рэгіянальнай алімпіяды па статыстыцы. Маладыя таленты прадэманстравалі бліскучыя веды і глыбокае разуменне прадмета, заняўшы першае і два другія месцы.

У алімпіядзе прынялі ўдзел 250 студэнтаў з вядучых вышэйшых навучальных устаноў Расіі і Беларусі, уключаючы такія ВНУ, як Фінансавы ўніверсітэт пры Урадзе РФ, Санкт-Пецярбургскі дзяржаўны эканамічны ўніверсітэт, Паўднёвы Федэральны Універсітэт і інш.

Такія дасягненні нашых студэнтаў з'яўляюцца яскравым пацвярджэннем высокай якасці адукацыі ў Беларускім дзяржаўным эканамічным універсітэце.

Віншуем пераможцаў з заслужаным поспехам! Жадаем ім новых дасягненняў, натхнення і паспяховага прымянення сваіх ведаў у будучай прафесійнай дзейнасці!