БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

Прадстаўнікі факультэта эканомікі і менеджменту і ўлікова-эканамічнага факультэта прынялі ўдзел у XIX Міжнародным студэнцкім навуковым форуме "Студэнцкая навуковая зіма ў Брэсце - 2025". Мерапрыемства прайшло 18-19 снежня на базе Брэсцкага дзяржаўнага тэхнічнага ўніверсітэта.

Студэнты ўлікова-эканамічнага факультэта выступілі ў складзе трох каманд: дзве каманды прадстаўлялі кафедру бухгалтарскага ўліку, аналізу і аўдыту ў галінах народнай гаспадаркі пад кіраўніцтвам дацэнтаў Ганны Вітальеўны Бунь і Анастасіі Уладзіміраўны Салаўёвай, а трэцяя каманда аб'яднала студэнтаў і аўдыту ў гандлі, транспарце і АПК пад кіраўніцтвам асістэнта М.К. Катковай. Іх удзел прынёс уражальныя вынікі: у секцыях з дакладамі яны атрымалі дыпломы І і ІІ ступені, а таксама шэсць дыпломаў ІІІ ступені; у індывідуальнай алімпіядзе заваявалі два дыпломы I ступені і дыплом II ступені; у камандных спаборніцтвах былі адзначаны дыпломамі ўсіх трох ступеней. У конкурсе ідэй каманда "Ордэн чыстага балансу" атрымала дыплом I ступені, а каманда "Бухулік - гэта паэзія" - дыплом II ступені.

Высокія вынікі паказалі і студэнты факультэта эканомікі і мэнэджмэнту. Яны сталі пераможцамі і прызёрамі навуковай канферэнцыі, алімпіяды "Інтэграцыя ведаў: улік, фінансы, мытная справа", конкурсу праектаў "Мой уклад ва ўстойлівую будучыню" і былі адзначаны дыпломамі і каштоўнымі падарункамі ад ААТ "Белаграпрамбанк". Кіраўнікі навуковага студэнцкага атрада ФЭМ - старшы выкладчык Ганна Мікалаеўна Кропка і асістэнт Ганна Мікалаеўна Вакульчык - атрымалі Падзякі рэктара Брэсцкага дзяржаўнага тэхнічнага ўніверсітэта за якасную падрыхтоўку студэнтаў і актыўны ўдзел у мерапрыемствах форуму.

Па выніках студэнцкага навуковага форуму будзе апублікаваны зборнік навуковых артыкулаў. Віншуем удзельнікаў форуму з заслужанымі перамогамі і выказваем удзячнасць навуковым кіраўнікам за выдатную падрыхтоўку студэнтаў!