БЕЛАРУСКI ДЗЯРЖАЎНЫ
ЭКОНАМIЧНЫ ЎНIВЕРСIТЭТ

2 красавіка ў Беларускім дзяржаўным эканамічным універсітэце адбылася квэст-гульня «Місія 'Адзінства'». Мерапрыемства, прымеркаванае да Дня яднання народаў Беларусі і Расіі, аб'яднала студэнтаў чатырох факультэтаў у імкненні ўмацаваць сяброўскія сувязі і прадэманстраваць свае веды аб агульнай гісторыі двух брацкіх народаў.

З прывітальным словам да ўдзельнікаў звярнуўся прарэктар па ідэалагічнай і выхаваўчай рабоце Сяргей Іванавіч Скрыба. Ён падкрэсліў, што Дзень яднання з'яўляецца сімвалам духоўнай роднасці і стваральнага супрацоўніцтва паміж Беларуссю і Расіяй.

У гульні прынялі ўдзел 13 каманд. Квэст-гульня "Місія 'Адзінства'" складалася з чатырох тураў: інтэлектуальнай віктарыны, конкурсу "Шыфраванне", музычнага батла "Даведайся мелодыю" і лінгвістычнага выпрабавання "Перакладчык".

Прызавыя месцы размеркаваліся наступным чынам: 1 МЕСЦА - Каманда ФФБД. 2 МЕСЦА – Каманда УЭФ. 3 МЕСЦА – Каманда СЭФ.

Завяршылася мерапрыемства ўрачыстым уручэннем дыпломаў і агульнай памятнай фатаграфіяй. Квэст «Місія 'Адзінства'» яшчэ раз даказаў: нягледзячы на розныя спецыяльнасці і факультэты, студэнтаў БДЭУ аб'ядноўваюць агульныя каштоўнасці, імкненне да ведаў і вернасць традыцыям дружбы народаў Беларусі і Расіі.