03.04.2026

Візіт у БДЭУ Надзвычайнага і Паўнамоцнага Пасла Федэратыўнай Рэспублікі Бразілія ў Рэспубліцы Беларусь

3 красавіка ў Беларускім дзяржаўным эканамічным універсітэце адбыўся візіт Надзвычайнага і Паўнамоцнага Пасла Федэратыўнай Рэспублікі Бразілія ў Рэспубліцы Беларусь Бернарда Жорга Леапольда Дэ Гарсія Клінгла.

Пасол прыняў удзел у штогадовым навуковым мерапрыемстве Цэнтра лацінаамерыканскіх даследаванняў факультэта міжнародных бізнес-камунікацый "Лацінаамерыканскі вектар у міжнародным супрацоўніцтве: эканамічныя і сацыякультурныя аспекты".

Таксама ў мерапрыемстве прынялі ўдзел прадстаўнікі Рэспубліканскага Цэнтра нацыянальных культур аддзела па рабоце з нацыянальна-культурнымі грамадскімі аб'яднаннямі і грамадскімі аб'яднаннямі беларусаў замежжа.

У рамках мерапрыемства былі прааналізаваны актуальныя напрамкі ўзаемадзеяння Беларусі з краінамі Лацінскай Амерыкі, абмяркоўваліся перспектывы гандлёва-эканамічнага, адукацыйнага і культурнага партнёрства, а таксама абмен даследчым вопытам у гэтай галіне.