06.07.2026

Калектыў БДЭУ прыняў удзел у святкаванні Дня Незалежнасці Рэспублікі Беларусь

Студэнты і супрацоўнікі Беларускага дзяржаўнага эканамічнага ўніверсітэта прынялі ўдзел у святочных мерапрыемствах, прысвечаных Дню Незалежнасці Рэспублікі Беларусь.

У рамках урачыстасцей прадстаўнікі ВНУ ўсклалі кветкі да манумента Перамогі, аддаўшы дань глыбокай павагі героям, якія абаранілі нашу Радзіму ў гады Вялікай Айчыннай вайны.

На святочнай пляцоўцы Заводскага раёна каля «Чыжоўка-Арэны» студэнты і супрацоўнікі ўніверсітэта арганізавалі інтэрактыўную зону для гасцей свята. У завяршэнні святочнага дня прадстаўнікі БДЭУ далучыліся да рэспубліканскай акцыі «Спяваем гімн разам», якая традыцыйна аб'ядноўвае тысячы беларусаў.